Friday, September 25, 2020

JAIL JAKAR AZAM KA QAD AUR BARH GAYA

SIR SAYED AHMAD KHAN (AMU) ke sapoot  Azam Khan ka rajneetik qad aur shohrat aur barh gayi hai.

AMU ki Students Union ka mein ne election larhaya tha. Mein unki taqreeron ka deewana hoon dil ki gehraion se chahta hoon. Johar University qayam karne par dushman paida ho gaye. Kisi gavorner ne manzoori nahin di. Bhala ho Azeez Qureshi sb ka ki chand dinon ke charge lene par manzoori mil gayi.

Member of Parliament bankar Parliament mein pehli taqreer ne hi rajneetik dushmanon ne unke khilaf woh charge lagaey ki ek judge sb bata rahe the koi case aisa nahin hai jismen zamanat n ho sake.sab chhote chhote dhokadharhi ke charge hain usmein itne dinon jail main dalna qanoon ka mazaq urhane jaisa hai.

Rampur ke muslmanon ko jinhone FIR ki hain, unse sawal karta hoon ki kya Azam khan ne yeh zameenen kya apne personal use ke liye acquire ki hain? 

AMU bhi musalmanon ke 30 Lakh Rs ke chande aur zameen dene se hi bani hai. 

Phir Rampur ke musalman konsi history likhna chahte hain ki ek darsgah qayam karne par banulaqwami shohratyafta apne hi hardil azeez khidmatgar leader ko hi jail mein dalwa diya. Kya AMU ke Sir Syed Ahmad Khan aur Maulana Mohammad Ali Johar ki rooh ko kitni takleef pahuncha rahe ho. Kya yeh Islam ke khilaf kam nahin hai.

In zameenon par, Jin rehne  wale  logon ke ghar toote hain tabhi serjorhkar bethte aur Azam khan se unki rehaish  ka bandobast karane ko kehte, unse darkhwast karte, jinki azam baat mante hain unse bhi rabita qayam karte, yani ki ghar ki baat ghar mein rehti, aap to dushmanon ki god mein jakar baith gaye. Yeh n socha ki Rampur ko kisne chamkaya, sajaya, highway banwaya, Hindustan ke naqshe par makhsoos naam dilaya. Azam khan ke naam par tamam musalman siyasat karte the jinka nam apne dubo diya aakhir kyuon?

Rampur ke musalmanon ki siyasat par taras aata hai.

Ab bhi waqt ka taqaza hai ki ham sab (Awam aur Azam Khan) milkar apna apna EHTISAB KAR ALLAH SE APNI GALTION KE LIYE ROKAR MAFI MANGEN AUR HAL TALASH KAREN

Rampur ki awam sun len!

AZAM KHAN ke jail jane par unki shohrat aur rajneetik qad Rampur se bahar ke musalmanonz ki nazron mein aur barh gaya hai. agar aap logon ne hal n nikala to

Ham musalman Azam Khan ko kisi aur seat se MP banakar bhej denge. Behtar yahi hoga ki Rampur ki awam hi uneh jail se nikalwaen

Mein ektarfa yeh nahin keh raha ki Azam khan ki koi ghalti nahin hai. Magar aisa Rampur ki awam ne hi to banaya tha, to phir Rampur ke buzurgon ne uneh ghaltiyan karne se kyon nahin roka? Lihaza leader se zyada danishwar hazrat ki bhi to zimmedariyan hoti hain.

 Khair Allah se dua hai ki Rampur ki siyasat phir durust ho jaye. Aameen

Apka mukhlis, Rampur ki taraqqi chahne wala

Dr. Masood Ahmad 

CEC AMU Old Boy's (Alumni) Association

All India Muslim Majlis Mushawrat

Board of Trustee, Saiyid Hamid Foundation

Secretary UP Rabita Committee

Editor SALAMEVATAN






Thursday, September 24, 2020

Hum Sirf Muslim hain Shia Sunni Nahi

 Assalamu Alaikum

AMU ki ek hi Jama Masjid mein Shia aur Sunni dono namaz parhte hain to tamam Hindustan mein  Shia aur Sunni ki alag alag msjiden kyun?

Khurja zila Buland Shahar mein meri parwarish Marhoom Mahmood Hasan Khan, Member of Parliament aur Sarwar Husain khan Minister of state, Bharat sarkar, Safdar Husain Khan,IPS police, mere dost Rahat Habib Khan, S.M. Khan IAS yani Khan Family mein hui, lihaza in hazrat se Vidhaika, Karyepalika, Nayayepalika, Media, har ghoro Fikr, Mazhab, har zat biradri ke AALIM FAZIL logon se seekhne aur samajhne ka mauqa mila. 

Deeni aitbar se Darul uloom Deoband, Nadwatul Uloom Lucknow aur Tableegh Jamayat ne jo bataya use hi Mukammal deen samajh baithe.


AMU aur MADERSON ki Taleem mein Farq


Magar jab Aligarh Muslim University mein dakhila hua to aisa laga jaise (kuen ka maidhak bahar akar dekhta haik vastvik dunia to bahut barhi hai) hamare Maderson se farigh Aalimon Fazilon ne barhe barhe jalson mein chatpati aasman ke ooper aur zameen se neeche ki taqreeron mei daraya ya jannat mein hooren milne ka lalach diya magar zindgi jeene ka tareeqa n bataya kyonki khud amal nahin karte. Jalson mein akele taqreer karte hain magar kisi topic par kisi conference mein 10-20 Aalimon ke beech nashiston mein taqreer nahin karte dekha. Sirf jahilon mein hi jo chahe keh diya wah wahi loot lete hain.

AMU ka Sir Syed  Hall mujhe allot hua wahan Prof Abrar Mustafa Khan sb marhoom ne mujhe Maulana Taqi Ameeni, Nazime Deeniyat se mulaqat karai jo  jama Masjid mein Quraan ki tafseer bayan kar rahe the. main ne baghair nage Quraan ka tarjuma suna ki in maderson ke Aalimon ne to hamein apne fayede ke liye deen ko ghalat tareeqe se pesh kiya. Jaise misal ke taur par

1-Zakat sirf Madaris ko deejiye. Har gaon mein boriyen de di jati hai bechare kisan gehoon, makka, bhar bhar kar darul uloom bhej dete hain, shahar ke log raseeden katwate hain. Ya kuchh muqami maderson mein. Deoband ki masjid itni barhi tameer ki  woh kabhi nahin bhar sakti jink jaale bhi saaf karne se qasir hain. Jabki woh Gaon mein zakaat se muqami mustahiq logon ki zarooraten poori kar sakte hain. Yateemon, bewaon, talaqshuda khwateen ki kifalat zakat se karsakte hain.

2-ye Shia aur sunni ke dono side ke Aalim awam ko larhate rehte hain, Alag Alag masajid hain, inhen kabhi muttahid hone ko nahin kehte kabhi sunni Aalim Karbala aur Imam Husain (RA)aur unki family ki qurbanion par bayan nahin karte. Jin ki wajeh se aaj ham musalman hain. Shia Aalim bhi apne logon ko khush karne ke waste sunnion ko bura bhala kehte hain. Agar mein majlis mein jakar baithta hoon to unki taqreer mein phir fizool baten nahin hotin.

Lihaza ham sunni musalmanon ko Shia hazrat se qurbat, dosti karni chahiye. Hamein ek doosre ki mohabbat, khushi Gham mein hissa lene chahiye.

RSS ke Mohan Bhagwat ji kehte hain ki tamam bhartiye Hindoo hain. Sabko woh apna banana chahte hain jabki Sikh kehte hain ki ham hindu nahin, Dalit kehte hain ki ham to Bodh hain, Jain kehte hain ki ham hindoo nahin. 

Jabki doosri janib hamare sunni  ulema shia hazrat ko, shia ulema sunni ko, deobandi w bareilvi ek doosre ko kafir kehte hain. Ab nai nasal sab miljul kar taleemi mahol mein milkar is khai ko patna chahte hain.ham sab ek hain. 

       AMU mein aankhen khuli ki khuli reh gain jab dekha ki ""AMU ke baani SIR SYED AHMAD KHAN ne apne mukhlis saathi HAALI sb ke mashware se doorandeshi faisle liye

A-AMU ek wahid University hai jahan ek hi Faculty of Theology mein Shia aur Sunni dono department ek hi office , ek hi chhat ke neeche deeni taleem parhai jaati hai.

B-SIR SAYED AHMAD KHAN (RA) ne apne saathi aur Darul uloom Deoband ke baani MAULANA QASIM NANOTVI (RA)ke banaye SYLLABUS ko chhorhkar APNA SYLLABUS tashkeel kiya jismen Quraan-Hadees, Urdu, English, Hindi, Sanskirat, Pharsi aur Foreign Languages ke department, Modern Medicine, Unani Medicine, Falsafa, Engineering, Management, Islamic Banking, Geography, Law, aur har woh ilm jo Quraan mein hai aur zindgi ke liye mazkoor hai ke international status ke course mojood hain ki parhai ka nizam banaya taki farigh ho kar tamam duniya mein ilm ki roshni phaila saken, parha saken aur ghair muslimon ko  Islam mazhab ki dawat de saken. 

Islam mazhab ki policy hai ki parho aur parhao. Ilm hasil karo aur jo tum jante ho doosron ko pahunchao

C-AMU wahid University hai jahan Shia aur Sunni ek hi masjid mein namaz e juma, namaz e Eiden adan karte hain

D- AMU mein Co-Education hai jahan " har muslim mard w aurat ko ilm ka hasil karna farz hai" ko parhaya jata hai. Lab, Libarery, Research, Coaching sab milkar ilm hasil karte hain.

Immature Boys aur Girls ke liye Sr. Sec. School tak parhai, Girls ke liye Abdullah aur Boys ke lie Minto Circle, Union aur City inter college mein taleem di jati hai

E-SIR SAYED AHMAD KHAN ne Oxford ki tarz par Residential Hall qayam kiye jahan AMU ka turra e Imtiyaz yeh hai ki yahan asataza aur senior student Islami Tarbiyat dete hain jo kahin aur nahin milti

F-Sir SAYED AHMAD KHAN CHAHTE THE KI AMU SE FARIGH HOKAR MERE SAPOOT AMU STUDENTS  UNION banakar DEBATE, GRUOP DISCUSSION, ELECTION LARHNE KA TAJURBA HASIL KAR BHARAT KI POLICY MAKING BODIES "PARLIAMENT aur ASSEMBLY, Nagar Nigam, Zila Panchayat yani har election mein jeetkar apni hissedari w bhagidari tai karen.

G-SPORTS, GYMNEZIUM, ASTROTURF HOCKY, CRICKET PAWALLION, SWIMMING ETC har Boys w Girls ke liye hai taki Health bhi bani rahe aur National w International games mein trophy jeet kar laen

H- ASHIA KI NO.1 DIGITAL  MAULANA AZAD LIBARERY, VISUALLY CHALLENGED STS KE LIYE ALAG LIBARERY HAI

I-AMU ke Medical College mein "CORONA" waba mein misaali khidmat di hain.

          AB AAP HI BATAIYE KI DEEN KA QILA AMU hai ki nahi ? Kya hindustan mein AMU ka NIZAMI QURAANIC CENTRE JAISA KOI HAI JAHAN INTERNATIONAL ULEMA E IKRAM AAKAR GHORO FIKR KAR RAHE HAIN, research kar rahe hain.

                Inshallah ROZANA EK POST SEND KARUNGA

DR. MASOOD AHMAD

EDITOR- SALAMEVATAN

salamevatan@gmail.com

Mob 9761976601

Popular Posts