Hamen Ummed hi nahin Yaqeen e Kamil hai ki 9/11 ke qusoorwar sachche w Deendar Musalman nahin ho sakte!

 Sirf naam ka muslman hi badle ki aag mein qatal kar intiqam le sakta hai, Islam mazhab ne muaf karna bahut barhi ibaadat karna bataya hai.

Hamen Ummed hi nahin Yaqeen e Kamil hai ki 9/11 ke qusoorwar Musalman nahin ho sakte! Qyon ki Islam Mazhab ne bataya hai ki agar kisi ne begunah ka QATAL kiya to goya poori Inssaniyat ka Qatal kiya aur agar kisi ne Begunah ko bachaya to goya poori Insaaniyat ko bachaya, Marne wale se bachane wala Afzal hai.

Example— Piyare Nabi Hazrat Mohammad Mustufa S.A.W ko Macca mein Kafiron ne lahoo lohan kar diya, unki peeth par Ooont (Camel) ka Stomach and Intestine(ghilazat) dal dee, unke nayelain (Shoes) khoon se bhar gaye magar unhone to kisi ka Qatal nahin kiya balki Zalimon ko maaf kar dunia mein Husne Sulook ki misaal qayam ki. Is ummeed ke sath ki ho sakta hai ki in ki auladen sachcha mazhab Islam qubool karlen. Aur aisa hi hua--

 Macca walon ko Insaaf dilane keliye jab jang karne se pehle Macca walon ki taraf se sabse barha dushman Mukhbir toh lene gaya ki dekhen ki Mohammad ke saath kitne sipahi, kitne hathiyar hain?

Jab who pakrha gaya to tamam sahaba, Mohammad sb ke saathi use Qatal karna chahte the magar

 Hazrat Mohammad sb ne us barhe Zaalim Dushman ko n sirf Muaf kar dia balki aur Ailaan kiya ki –

-jo Macca ki masjidon mein chale jayen,

- jo apne hi ghar mein band ho jayen,

-jo surrender kar den

unsabko maafi di jaati hai.

To Macca ke rehne walon ki Khushi ka thikana n raha, aur Mohammad sb ko Duaen dene lage, Ialam Mazhab ki Tareefen karne lage ki ham ne to Mohammad par zulm ke paharh torhe the,

 aur Mohammad maafi de rahe hain zaroor yeh Allah ka bheja hua Frishtasifat insaan hai. Yeh hai Islam!